好茶的三個“唔得”

茶有多種﹐各有性格和等級之分。有沉厚樸實﹐有輕鬆飄逸﹐如流水行雲。口味不同﹐對好茶標準有異。但總的來說﹐好茶有三個“唔得”。

　

一個是飲咗“唔笑唔得”。另一個是飲咗“唔開心唔得”。第三個是靚茶“唔飲唔得”。

　

靚茶甘香好味﹐喝後生津。口水分泌增加﹐個口自然微微張開﹐將口水留在口中﹐面口好似微微笑咁﹐所以謂之唔笑唔得。

　

人得到滿足﹐自然開心。兩三知己一齊嘆靚茶﹐氣氛投契﹐心情自然開朗﹐所以靚茶可以令你唔開心都唔得。

　

一流好茶﹐令人回味無窮﹐所以你話唔飲得唔得喇。

　

以上是一流好茶的特性。但如達到超一流的茶道是另外一個層面。接近古人陶淵明的名句“欲辯已忘言”。就是已由外而入內﹐達到一個滿足自在的意境﹐身體都好似不存在﹐有身體才可以用言語講嘢﹐如果沒有身體﹐怎可以講說話呢﹖所以想形容解釋都唔得﹐衹可以體會﹐不可以言傳。